عيد ميلاد حبيبتى
عيد ميلاد حبيبتى قرب
وامتحان الترم قرب
لو مكانى تعمل ايه؟
تشترى هدية لحبيبتك؟
واللا .. تشترى كتاب الاجتماع؟
صاحبى قالى : مش هتنفعنى حبيبتى لو هاعيد علشان خاطرها
قلتله: لو هازعّل يوم حبيبتى مش هلاقى حبيبة غيرها
يعنى ايه كام ألف نجحوا .. عملوا إيه
ع القهاوى ملقّحين
امتياز مقبول وجيد
زى بعض مشرّفين
والدكاترة ف كل عام
باعوا كل المطبوعات
واحنا خدنا منهم ايه .. غير شوية معلومات
بكرة هتطير من دماغنا
ويا دخان السجاير ع القهاوى
ويا مانشيت الجريدة
ويّا تصريح الوزير
شوف يا صاحبى
هاشترى هدية لحبيبتى
واللى يتبقى معايا
ابقى اجيب بيه الملخص
واضربه ف اخر يومين
ايه هيحصل لو سقطت؟
يبقى زاد عمرى سنة
والسنة الجاية هتسقط هى وترد الجميل
والقهاوى مش بعيده
يكرة هتخرّج والاقى
كرسى ع القهوة الجديدة
اللى كل يوم بتفتح
حاجة ساقعة لخريجين
ودّعوا الحب ف حياتهم
وابتدوا مشوار حزين
هناك ١٣ تعليقًا:
أنا كمان هأشتري هدية لحبيبتي يا عادل
تحياتي لنص أحبه منذ سمعته منك في المعرض الكتاب ليلة صدوره إن لم تخني الذاكرة
و الله يا عادل معاك حق .. الجامعة ما تستاهلشى تضيع فلوسك عليها .. المثل بيقول . خليك مع اللى بيفكر فيك
بس ياترى حبيبتك ها تحفظ الجميل دا ..؟ و إنك بديتها على الجامعة و الإمتحانات ..؟
الله أعلم
أنا كنت قريتها فى الديوان بتاعك اللى كنت خدته منك هدية .. فاكر؟
إزيك يا عدولة .. واحشنى خالص مالص وحياة العشرة اللى بيننا واحشنى
بس انا لما قريتها دلوقتى لقيتلها طعم تانى
يا ترى ليه؟
ليييييييييييييه؟
آه .. اصلى صاحى بقالى يومين ومهيييييييس :D:D
ويا رب ما نتحرم دايما من كتاباتك الجميلة اللى بجد .. بتنسى الواحد همومه
والسلام ختام
إسلام يونس
يكرة هتخرّج والاقى
كرسى ع القهوة الجديدة
اللى كل يوم بتفتح
حاجة ساقعة لخريجين
ودّعوا الحب ف حياتهم
وابتدوا مشوار حزين
اكثر جزء اعجبني هنا
بقدر واقعيته مؤلم
تحية لكَ
هو الناس اللي هنا راحت فين
يا نااااااس يا اللي مش هنا
هو مين رايح فين ومنين بيودي على فين
على فكره انا سمعت القصيدة دي كتير قوي بس مش منك .. لاني ما قابلتكش غير مره واحده ..
لكن القصيدة انا قابلتها كتير قوي .. لكن انا ليا عتاب بسيط عليك ... فين (عبده( .. القصيدة دي حلوة قوي .. ولما لقيت لينك لمدونتك بالصدفة عند أشرف توفيق في البلوج بتاعه دخلت مخصوص على أساس ان انا الاقي القصيدة دي ... لكن فعلا لما ما لقيتهاش زعلت ...
اشتري هدية لحبيبتك طبعاااااااا
بقى دي عايزة كلام يا عادل
لو كان حب زي اللي انتا عبرت بيه ده يبقى طبعا تشتري هدية .. بس يا خوفي يا بدران زي ما بيقولوا
تفلسع بعد ما تزهق من الحب وسنينه
البوست ده مؤلم للي يفهمه !!
هههههههههههههههه
حلوة دي
تشجيع ع الفشل
تحياااااتي يا متشحتف
هيمو
بالضبط كدة
حلو جو تكبير الدماغ ده
اشتري الهدية علشان الحب مش بنقابله كتير في الدنيا...ولو الهدية هتشتريه..صدقني هشتريه
ما هو برضه نسيت تسأل نفسك اللي اتجوزوا عملو ايه
انا في رايي بدل الفلوس اللي هتصرفها على حبيبتك او على كتاب الاجتماع تروح تشتري بقرش حشيش ومعاه هتحس بتلات حاجات، اولا انك نجحت، ثانيا انك اتجوزت حبيبتك، ثالثا انك مبسوط بدا وبدا، مع ان دا واقعيا مش ممكن يحصل
Hamed Ibrahim said...
و كان حب زي اللي انتا عبرت بيه ده
يبقى طبعا تشتري هدية .. بس يا خوفي يا بدران زي ما بيقولوا
تفلسع بعد ما تزهق من الحب وسنينه
وقد كـان
وعـــجـــبـــي
دي أول مرة أرد علي مدونة
اصلك بجد يعنى جدا خالص حروفك حلوة اوى
وعاوزه اعرف فين ديوانك ده يا سيدي !!
قولي مكان بيتباع فيه مع العلم انى من محافظة بعيدة عن القاهرة
يلا اتصرررررررف
ومتقوليش منزلتش والطبعة خلصت وكسل منى والكلام ده
انجزززز واتصرررف وقوللى اجيبه منين ؟؟؟
شكرا يا اسطى .. هى هتسقط طبيعى .. وهتعمل انها مجملاك ههههههههههه
شكرا مادو .. ذاكرتك لم تخنك
بيسوووووووو شكرا انا معاك
اسلام انت حبيبى
نهى جمال .. شكرا على التعليق اسعدنى
شكرا لكل الردود الجامدة من درش وحامد وابراهيم ونائل وكركوبة الجميلة
اما همسة جميلة .. بجد الديوان مبقاش موجود فى مكان معين بس هانزل طبعه جديدة مع الديوان القادم اخر 2008
إرسال تعليق