يعنى ايه بلوج؟ يعنى ايه بلوجرز؟
أول مرة اسمع كلمة بلوجرز فى حياتى ماكنتش فاهمها .. بس اللى جه فى بالى ان البلوجرز دول حاجة كده زى الهيبز مثلا ..وبعدين لما عرفت ان دى كلمة ليها علاقة بالانترنت قلت يبقوا اكيد حاجة كده زى الهاكرز مثلا..المهم انهم ناس وحشين يعنى
وطبيعى لما اعرف ان فلان الفلانى بلوجر ازعل منه قوى وماحبش اعرفه تانى او بمعنى اصح اقلق منه .. اذا كانت اخلاقه تسمحله انه يبقى بلوجر .. يبقى هتسمحله بحاجات كتير تانية .. قال اعرف واحد بلوجر قال .. الغريب بقا انى بدأت اسمع عن بنات كمان بلوجرز .. يا نهار اسود .. حتى البنات كمان بيعملوا كده؟؟
المهم انى ف حالى وماحبش احتك بالناس دول .. يعنى افرض اتعرفت على واحد منهم وحصل بينى وبينه خناقة راح مطلع من جيبه اى حاجة وادانى بلوجاية على دماغى .. هعمل ايه ساعتها .. ماهو بلوجر بقا ومش همه .. لما لقيت الكلمة دى كترت وناس كتير بقوا يقولوها .. قلت استرها يارب .. هو احنا نخلص من عبدة الشيطان يطلعلنا البلوجرز .. ومرة سألت بنت .. انتى تعرفى بنات بلوجرز؟ قالتلى :اه .. البت اللى هناك دى بلوجر .. قلتلها يعنى ايه بلوجر ؟.. قالتلى يعنى بتعمل شات مع صبيان وتفرجهم ع الكاميرا
ومن ساعتها طبعا قلقت جدا .. ولما جيت اخطب سألت كويس احسن البت تطلع بلوجر ومخبيه على اهلها .. سألتها :انتى بلوجر؟ .. راحت ضربانى بالقلم
ومن كام شهر كده سمعت ابو سيد جارنا ماسك سيد بيديله علقه سخنه .. قلت اكيد عرف حكاية سيد مع البانجو والحريم .. فسمعته بيقوله .. اربى واكبر واصرف عليك من دم الحى عشان تطلع دكتور واللا مهندس تطلعلى بلوجر .. بينى وبينكوا اتصدمت جدا فى سيد .. ماهو الانحراف له حدود .. حريم وبانجو وقلنا طايش وهيعقل لكن بلوجر .. اهو ده اللى مايتسكتش عليه .. احسن يا سيد .. تستاهل عشان تحرّم
وسألت نفسى فين رقابة الاهل على الشباب ليه كل الابهات مايعملوش زى ابو سيد عشان نحافظ على شبابنا من الضياع .. بقا سيد يطلع بلوجر
.. طبعا صعب عليا اشوف الفساد بينتشر بالشكل ده .. وبان عليا الزعل .. ولما واحد صاحبى عرف انا زعلان من ايه .. قالى (انت مكبر الموضوع .. الموضوع ده من زمان وبقا عادى جدا .. وبعدين مش انت اللى هتصلّح الكون .. ماتسيب اللى يعمل بلوج ف حاله المهم انت تفضل كويس ).. الموضوع لسة شاغل دماغى برضه .. اتصلت بواحد صاحبى حريف شات مع بنات .. وسألته يعنى ايه بلوج؟ قالى ده حاجة سهلة جدا .. لما يكون فيه بت خنقة وبترغى كتير تعملها بلوج على الماسنجر عشان ماتعرفش انك اون لاين
وبعد شوية .. جالى عمر صاحبى وقالى انت لازم تعمل بلوج .. هتتبسط قوى .. وخصوصا انك شاعر .. والبلوج ده هيعلى الجو .. قلتله لا ياعمر .. ماتحرضنيش ع الكلام ده .. انا كبيرى الحشيش واكتر من كده ماقدرش
فضل يزن على دماغى ويقنعنى .. ويقولى جرب مش هتخسر حاجة .. وعلى فكرة تقدر تبطل فى اى وقت .. اطمن انا بحبك ومش هأذيك .. بصراحة ضعفت .. وادى النتيجة .. ادينى بقيت بلوجر انا كمان .. والنبى ماحدش يقول لامى .. دى ست كبيرة وممكن يحصلها حاجة ..
وبنصح كل واحد لسة ع البر واقوله .. بلاش السكة دى .. البلوج لا يفيد
وطبيعى لما اعرف ان فلان الفلانى بلوجر ازعل منه قوى وماحبش اعرفه تانى او بمعنى اصح اقلق منه .. اذا كانت اخلاقه تسمحله انه يبقى بلوجر .. يبقى هتسمحله بحاجات كتير تانية .. قال اعرف واحد بلوجر قال .. الغريب بقا انى بدأت اسمع عن بنات كمان بلوجرز .. يا نهار اسود .. حتى البنات كمان بيعملوا كده؟؟
المهم انى ف حالى وماحبش احتك بالناس دول .. يعنى افرض اتعرفت على واحد منهم وحصل بينى وبينه خناقة راح مطلع من جيبه اى حاجة وادانى بلوجاية على دماغى .. هعمل ايه ساعتها .. ماهو بلوجر بقا ومش همه .. لما لقيت الكلمة دى كترت وناس كتير بقوا يقولوها .. قلت استرها يارب .. هو احنا نخلص من عبدة الشيطان يطلعلنا البلوجرز .. ومرة سألت بنت .. انتى تعرفى بنات بلوجرز؟ قالتلى :اه .. البت اللى هناك دى بلوجر .. قلتلها يعنى ايه بلوجر ؟.. قالتلى يعنى بتعمل شات مع صبيان وتفرجهم ع الكاميرا
ومن ساعتها طبعا قلقت جدا .. ولما جيت اخطب سألت كويس احسن البت تطلع بلوجر ومخبيه على اهلها .. سألتها :انتى بلوجر؟ .. راحت ضربانى بالقلم
ومن كام شهر كده سمعت ابو سيد جارنا ماسك سيد بيديله علقه سخنه .. قلت اكيد عرف حكاية سيد مع البانجو والحريم .. فسمعته بيقوله .. اربى واكبر واصرف عليك من دم الحى عشان تطلع دكتور واللا مهندس تطلعلى بلوجر .. بينى وبينكوا اتصدمت جدا فى سيد .. ماهو الانحراف له حدود .. حريم وبانجو وقلنا طايش وهيعقل لكن بلوجر .. اهو ده اللى مايتسكتش عليه .. احسن يا سيد .. تستاهل عشان تحرّم
وسألت نفسى فين رقابة الاهل على الشباب ليه كل الابهات مايعملوش زى ابو سيد عشان نحافظ على شبابنا من الضياع .. بقا سيد يطلع بلوجر
.. طبعا صعب عليا اشوف الفساد بينتشر بالشكل ده .. وبان عليا الزعل .. ولما واحد صاحبى عرف انا زعلان من ايه .. قالى (انت مكبر الموضوع .. الموضوع ده من زمان وبقا عادى جدا .. وبعدين مش انت اللى هتصلّح الكون .. ماتسيب اللى يعمل بلوج ف حاله المهم انت تفضل كويس ).. الموضوع لسة شاغل دماغى برضه .. اتصلت بواحد صاحبى حريف شات مع بنات .. وسألته يعنى ايه بلوج؟ قالى ده حاجة سهلة جدا .. لما يكون فيه بت خنقة وبترغى كتير تعملها بلوج على الماسنجر عشان ماتعرفش انك اون لاين
وبعد شوية .. جالى عمر صاحبى وقالى انت لازم تعمل بلوج .. هتتبسط قوى .. وخصوصا انك شاعر .. والبلوج ده هيعلى الجو .. قلتله لا ياعمر .. ماتحرضنيش ع الكلام ده .. انا كبيرى الحشيش واكتر من كده ماقدرش
فضل يزن على دماغى ويقنعنى .. ويقولى جرب مش هتخسر حاجة .. وعلى فكرة تقدر تبطل فى اى وقت .. اطمن انا بحبك ومش هأذيك .. بصراحة ضعفت .. وادى النتيجة .. ادينى بقيت بلوجر انا كمان .. والنبى ماحدش يقول لامى .. دى ست كبيرة وممكن يحصلها حاجة ..
وبنصح كل واحد لسة ع البر واقوله .. بلاش السكة دى .. البلوج لا يفيد
انت اللى خلتنى بقيت كده .. منك لله ياعمر ..
.. ..
.. ..
هناك ٢٤ تعليقًا:
مش ممكن
أنا مضحكتش كدا من جمعتين و لا حاجة
علي فكرة المشكلة مش في تعميم تجربة أبو سيد، البلوجرز أصل بياخدوا تمرينات في مقرهم السري عشان يتحملوا الضغوطات النفسية و البدنية
و أنا شاكك في أني أعرف أبو سيد مش عارف ليه
:D
مكانش قصدي يا عدّول، بس انا عارف انك بتحب تجرب أشكال مختلفة من الانحراف من باب إثراء تجربتك الإبداعية، فقلت اقولك ع البلوج.. ما احنا اتعلمنا منك كتير برضه يا عمنا..
وبعدين فرصة ابقى اساومك على الستاف بدل ما اقول للست الوالدة انك بقيت بلوجر، وشوف بقى ههههههههههه
نورت المنطقة يا عدّول.. وعلى فكرة البيج بوس عايز يقابلك
حتى انت كمان
طلعت منهم ياعادل
البلوج دمه خفيف جدا زيك
مبروك
علا
مسخره
".
و مبروك البلوج مستنيين الاشعار
و مزيد من المغامرات البلوجاتيه
ويلكم بيك يا باشا
ولا أقولك ويلكم بيك يا نجم
معاك الأخ إحم
hodido
أيوة كده يا عم
بلاش تقُل بقى وعايزينك تكتب على طول
متقعودش تقول بقى مشغول و بتاع
على فكرة انا انصحك تخليك في حالك وتبعد عن البلوجر دول وخاصة اني سامع ان الحكومة بتلمهم من الشارع وكل شوية يطلع خبر قبضوا على فلان البلوجر فخليك في حالك حتى انافي مرة كنت عملت بلوجاية اتخدت بيها بس افرجوا عي عشان تعاطي مش كتابة وحرصا على مستقبلي الدراسي
الحمد لله انك اتجرأت وبقيت بلوجر
هي البلد دي مش هتتحرر إلا بالبلوجرز
وصدقني انت هتبقى من الناس المهمة بعد تعديل الدولة من خلال البلوجرز
ممكن تكون من كتاب الأغاني الخاصة بثورة البلوجرز
وممكن تكون مكان عبد الناصر
وممكن تكون حاجات كتير
اللي أنا متأكد منه إن البلد هتتغير على إيد البلوجرز في خلال سنة أو اتنين وهتتكون حكومة جديدة ورئيس جديد غير جمال
بس للأسف
اللي أنا متأكد منه أكتر
إن كل التغيير ده هيحصل على النت بس ...!!!
عدول .. نورت البلوجرز ...
واللي أنا متأكد بجد منه بقى
إن البلوج بتاعك هيكون مختلف ... وده اللي هيخلي الناس تحبه .. زي ما بيحبوك
نزل بقى قاعد في قصرة وقول يا رب
منور البلوجات يا دوله
:)
احبك يا اسمر
:P :P :P :P
وانت ايه اللى رماك عالسكة دى
ادى اخرة الصحبة اللى مش ولابد
بلوجر ؟!!!! .., يا نهار أسود
بلوجر ؟!!!! .., مش عيب يا بنى
طب لو حد قال لوالدتك .., الوضع هيبقى شكله ايه ساعتها
ولا الداهية السودا حد يبلغ عنك بقى وتتمسك وصورك تطلع فى الجرنال
بلوجر ؟!! .., ادى اخرة المشى البطال
انا بقول تلحق نفسك قبل مرجلك تقع فى الخية وتتورط
دى نصيحة منى
الواحد دلوقتى بقت صوابعه بتلعب عالكيبورد وهو نايم .., وبيصحى يطلع يجرى عالكمبيوتر علشان يشوف البلوج بتاعه وبلوجات الناس اللى زيه
بقى ادمان بعيد عنك
يللا بقى .., انت شكلك تستاهل تبقى بلوجر
احنا سبقناك علشان مكناش بنسمع كلام امهاتنا وكانو بيدعو علينا ويقولو ..روح يا بنى داهية تفضحك وتخليك بلوجر
مسخررره على رأي اللي قال .. حاسب لتتقفش بقى يا عم
مبارك عليك المهنة الجديدة عقبال ما نشوفك كدا رئيس مجلس ادارة
أهلا بالرفيق في أرض السيبر! سمعنا انك كنت بعافية شوية .. حمد لله على السلامة يا دووووووول (اكيد اسم الدلع دا بيفكرك بقصيدة الراجل الأعمى والا ايه يا معلم) :)))
هاهاهاها
روعة يا فنان. أحلى افتتاحية بلوج قريتها.
ايه ياعم الجمال ده
طب قولنا طيب عشان نقول مبروك
بدايه قويه طحن
علمناهم البلوجنج سبقونا ع البوستات
بقى الواد سيد بقى طلع بلوجر هو كمان؟وحش متاكلش من عنده
NASSER:طبعا مش عايزه كلام البلوج ده يهبل بس انت خايف اوى عالوالده و ماخفتش عالوالد و بقيت العيله ليه؟ انا اول مره اعرف حكاية البلوج دى هايله ......للانحراف ؟.؟ و عايزك يا عدوول تحط قصاد عينك الجمله الشهيره بتاعت الكاتب الكبير شكسبير BE LOGG OR NOT TO BE LOGG THAT IS THE QUESTION>> و عاوزك تكون جرئ زى ما عودتنا دايما وماتخافش و هدد و بقوه باستخدام اقوى انواع البلوجات واحنا وراك منتظرين الجديد...ملحوظة : الحلاوانيه لابيهمهم بلوج ولا بلوك ولا البلى الأزرق ..........امضاء : واحد من الشله
NASSER : معلش ياعادل لو فيها رزاله اسألك سؤال ....البلوج ده نوع من انواع الفياجرا ؟ ...حلو يعنى ؟ ولو هوا كده بيتباع فين ؟ رجاء سرعةالرد
ليه يا ابنى كده
انت فاهم الموضوع غلط خالص
انت فاكر احنا بس اللى أ..أ..أ.أآآ ..كده
لاااااااااا
ده احنا كتييير اوى
انت عارف ايه بأه اللى عيب بجد
واللا بلاش
وبعدين ربنا رحيم جداااا
ياراجل بلاش كلام فارغ
ستاشر تعليق كده مرة واحده؟ وبالسرعة دى ... انتو متفقين عليا بقا وعايزينى ابقى بلوجر
مافيش حد بلوجر بيحب يسيب اللى مش بلوجر فى حاله ...
عاوزين الموضوع ينتشر عشان مايحسوش انهم الوحيدين اللى كده
و الله انت زى العسل يا بخت اللى يعرفوك بجد
مش كده والنبى يانور؟
قوليلهم بقا
انا عايزة اقولك اني باضحك طحن اصلا..تجيبني من عالارض يعني :D :D
لولولولي..مبروك..اما نشوف :))
ههههههههههههه
تصدق بالله
ده احلى تعريف للبلوجات قريته
انت جبتلى كريزت ضحك
ربنا يسامحك
:))
بجد بلوج ظريف
تحياتي
على كدة بقى البلوجر بقت شتيمة
يعنى ممكن اشتم واحد واقوله يا بلوجر يا ابن البلوجر
تربية بلوجات صحيح
ههههههههههههههههههههههههه
انا بقى هقول
هههههههههههههههههههههههه
موضوعك تحفة بجد
إرسال تعليق