خلينا اصحاب
خلينا صحاب
جملة مقابلانى ف كل طريق
هو انا مكتوب على وشى صديق؟
..........
ما انا عايز احب بجد
واتحب بجد وادوب
واللا انا جوايا حجر
والناس جواها قلوب
انا واحد زى بقيت الطلبة وزى بقيت الناس
مزحومة عيونى بكام بنّوته من الأحلام
مزحومة بدماغى بكام كشكول
هو ده معقول؟
املا نافوخى بعلم مايتطبقش
واملا عيونى بحلم مايتحققش
ويدق القلب لكل بنات الجامعة
يدق يدق يدق ما داقش
غير طعم الكلمة عذاب فى عذاب
"خلينا صحاب"
"خلينا صحاب"
هناك ١٦ تعليقًا:
ألف مليون و ميت و عشرميت مليون
شكــــــــــــــــــــراً
شكـــــــــــــــــــراً
شكــــــــــــــــــراً
شكـــــــــــــــــراً
و تحياتى ليك يا مان
انا واحد زى بقيت الطلبة وزى بقيت الناس
مزحومة عيونى بكام بنّوته من الأحلام
مزحومة بدماغى بكام كشكول
هو ده معقول؟
املا نافوخى بعلم مايتطبقش
واملا عيونى بحلم مايتحققش
حلوه ياعلى بجد
كلام بسيط و شعر رقيق
جميل يا عادل و دايما اكتب و قرينا شعرك الجامد ده
و لسه قاعد فى قصره حطها بقى
ى فكرة يا عادل
أنا قريت لك قبل كده في منتدى قهوة كتكوت
فاكره انت ؟
المهم و عجبني شغلك قوي و قلت فين الراجل ده
:)
عايزين نشوف بقا زي زمان و لاّ
محبة
خالد
منور يا جميل
بسمع عنك من زمان
تسلم ايدك بجد
كلامك بيرشق فى القلب وسهل قوى وصعب قوى
زي ما عمّور أبو التجارب دخّلك في عالم التدوين يا معلم لازم بقى يوجّب معاك، وقصدي بمسألة "التوجيب" دي إنه ينزلك على البلوج بتاعك الأغنية بتاعتك بصوته وتلحينه!
ممكن برده يسجل كام قصيدة من الروائع بصوتك وإلقاءك الأكثر من رائع (رأيي اللي بينطّق الشعر العامي هو الإلقاء "على الجمهور")
مودة
الله يا عادل
حلوة اوى اوى
على فكرة فى ناس فعلا بتحس ان علاقاتهم باللى حواليهم تقتصر على انهم يكونوا اخواتهم او اصحاب بس مش بتعدى ده ليه مش عارفة
اى خدمة يا احمد بلال .. انت بس تشاور
ميرسى على مرورك يا دنانير وعلى تعليقك الجميل .. بس انا عادل مش على ..ههههه
تحت امرك يا محمد ياسر ... بس لو انت نسيت حكاية قاعد فى قصره .. هاحبك اكتر
اهلا بخالد عبد القادر وكل الكتاكيت بتوع هريدى .. وكويس انك فاكرنى من ايام زمان كده
hesterua ربنا يجبر بخاطرك يارب ..ويارب اكون عند حسن ظنك على طول
اهلا يا علاء يا جميل ... ياريت كنت اعرف اعمل ملفات صوت وكده بس انا غلبان ولسة باد يوزر
انا حرة .. الله عليكى انتى .. ده من ذوقك والله
حلوة الدنيا ياجان
متعرفش اقرب شاعر فين لو سمحت
لاحسن صاحبنا عادل سلامة بقي كسلان ومطلعش ديوان
ندور علي شاعر بره ولا ايه ؟
ياعم في عرض النبي عايز اشوف الديوان التاني
اهلا بيك يا باسم يانجم
البلوج نور بتعليقك يا جميل
بس انت مستعجل ع التانى ليه
انت معندكش فكرة ان انا بتأخر؟
عادل..
سمعتك في عيد ميلاد ورقة وقلم.. على فكرة لما بتلقي الشعر بيبقى ليه طعم تاني..
بالنسبة بقى لموضوع خلينا اصحاب..مش عارفة ليه الولاد بيتضايقوا منه.
يعني لما هو طول الوقت يفضل يقلها احنا صحاب يبقى لازم يتقبل انه لما يقولها انه بيحبها هي هتقله ما احنا صحاب..لأنهم من الأول ما نووش يبقوا حاجة تانية
المشكلة ان احنا مش بنفرق بين الاصحاب واللي اكتر من كده..مش بنحدد العلاقة نوعها ايه من الأول، وبعدين بنندم
غير كده بقى القصيدة جميلة جدا ..
ربنا يوفقك ونشوف ديوانك التاني
ما انا عايز احب بجد
واتحب بجد وادوب
واللا انا جوايا حجر
والناس جواها قلوب
ياريت يا عادل كان اللى جواك
هو اللى جوه الناس
lol
اخيرااااا لقيت المدونة بتاعتك..انا اصلا عندى هوس بالشعر بتاعك من اول ما قريت حته منه فى عين من سنتين تقريبا..انت جباااار
لا و لما الاقى المدونة بتاعتك يحصل انا عندى عطل فى ل
account
ومعرفش اسيبلك تعليق ..المهم انا بجربها اهو بعد ما اتصلحت و يا رب ينزل بقى المرة دى
:))اتشرفت بمدونتك يا معلم
شكرا يا دوددوش على تعليقاتك الجميلة
انتى قصصك جميلة ومدونتك جامده جدا
شكرا يانور تعليقك أسعدنى جدا .. وانا مش فاكر الحوار اللى ف جريدة عين نزل فيه انهو قصيدة .. بس بشكر القصيدة اللى عجبتك عشان عجبتك وخلتك تحطى التعليق الحلو ده
واتمنى كل الحاجات تعجبك ان شاء الله
شكرا يا متغيرة شوية .. واتمنى دوام زيارتك للبلوج .. واتمنى كل البوستات تعجبك
جميله
:)
إرسال تعليق