شحتفة
بستأذنك
افرد على وجعى غناكى يزيد وجع
واستعطفك
:اسكن عنيكى واستخبى واعترف
انا مش جدع
وأقل حاجة تهزنى
عيل وواخد ع البكا
علشان أنول الطبطبة
يمكن غبا
لكنى عندى الموهبة
أبكى على طبل الغوازى
وارقص لوحدى
ع الصبا
......
إكمن قلبك أرض شوك
وعشان هوايتى الشكشكة
بمشى ف طريقك وارجعه
واصرخ قوى
لو لسة مطرح فيا ماداقش الألم
وازعل قوى
لو يوم يعدى بدون زعل
تصدقى .....
اخترت قلبك اعشقه
من بين قلوب كل البنات
لأنى عارف إن حبك
أسهل وسيلة شحتفة
وفرصة هايلة
للعيـــــــاط
هناك ١٦ تعليقًا:
ولأنى عارف إن قلبك شال كتير
متقولش عرفت منين ده قلبى مش غريب
صدقنى لو قلتلك ان الوجع واحد .. وان القلب مهما شال بره هيفضل كبير
الله الله الله
من أجمل ما قرأت عموما وليك خصوصا
عارف يا عادل
القصيدة دي فيها حاجة غريبة بتدخلني في حالة أغرب
متعة اللذة
والكتابة عنها بالشكل ده ... توووحفة
وخاصة (أبكي على طبل الغوازي
وأرقص لوحدي ع الصبا)
دي لوحدها حكاية
شفت بقى الفرق بين الأغاني والقصايد
حتى لو كانت الأغاني بتجيب فلوس كتير (اللهم لا حسد)
وحتى لو كانت بتعمل شهرة أكبر ( برده اللهم لا حسد)
بس ده ما يمنعش ان الأغاني فيها فلتات
تسلم إيدك
وبرده مصر تنزل (قاعد في قصره) ... ويبقى ( اللهم لا شماتة )
جميلة .. اوى .. اوى .. " ابتسامه عريضه" اوى :))
تسلم إيدك. حلو قوي.
لعله يكون شتاء الرجوع للشحتفة يا عدول
بجد ماتقوليش أنه أنت فعلاً
لا حقيقى أنت ؟
أنا مش مصدق
بجد أنت ؟
ماتتخيلش أد أيه نفسى أقرالك حاجة من يوم ما قرأت المقال عنك فى مجلة كلمتنا عددفبراير2005 اللى كان عليه نانسى عجرم ده
يومها أتمنيت انى اكون معاك فى الكلية أو الجامعة علشان ألاقى كتابك و أقراه كله بس للأسف ماكنتش معاك فى جامعتك
بس ماصدقتش أول ما قرأت الاسم و الصورة فى تعليقات البوست عندى
مش ممكن ده هو الواد بتاع الشحتفة اللى قرأت عنه قبل كده
المهم بص يا سيدى عاوزك البوست اللى جاى تنزل قصيدة خلينا أصحاب قرأت منها حتة صغيرة فى المجلة و أتمنيت أقراها كلها
ممكن يا عمنا ؟
أستنى أستنى
أه لقيت المجلة أهوه
أنت كمان قسم فلسفة
يعنى راجل جامد أوى
على العموم أنا فى أنتظار بوست خلينا أصحاب و ماتنساش أنا طالبه طلب خاص
يا روميو الشحتفه
حلو اوى البوست
ولازم تنزل قاعد فى قصره
ومبروك على البلوج مبسوط لانى هتابع اشعارك كده باذن الله
فرصة هايلة للعياط بالنسبة للـ"متشحتفين" وفرصة هايلة للتصفيق للـ"مدونين" المستنيين كلام جامد بهذا الشكل من زمااااااااااان!
يالهوى
بسيطة اوى يا عادل بس تدخل القلب فى ثانية
بجد معنديش كلام يوصف احساسى دلوقتى
شكرا يا اسلام .. يا دكتر حندولة يا شاعر يا كبير ..
شكرا يامويا على ابتسامتك العريضة حسستنى بالانشكاح
شكرا يا ميشيل .. شكرا يا عمور يا مضيعنى ..
شكرا يا احمدبلال على اهتمامك .. وعلى احتفاظك بالمقال لغاية دلوقتى وعلى تعليقك وطلباتك
شكرا يا محمد ياسر .. . بس انت عرفت منين قاعد فى قصره .. انا معرفش عنها حاجة شخصيا ههههههههههه
شكرا يا انا حرة ..يارب يعجبك كل البوستات كده
فى لحظة طيش
فى لحظة طيش
غلطت وقولت
بهواكى
مدكبتيش
وقلبك دق جواكى
محبتكيش ولا حاجه
لكن جيتلك كما المشتاق
منا اصلى بقالى كتير
معيشتش عيشة العشاق
دى كلمة قولت اجربها
وجت فيكى
ف لحظة طيش
لقيتك معجبة بيا
وقلبي خالى
مش مشغول
وكانت نظرتك ليا
تحرضنى بأنى اقول
كلام قلب مصدقهوش
لكن قولته
ف لحظة طيش
حبيتك وكان ممكن
اقابل ف الطريق غيرك
هوايا ف قلبها يسكن
لكن حظك يكون دورك
بطولة قصة مش بتعيش
وعنوانها
ف لحظة طيش
عادل سلامة
أمتعتنا بأشعارك دائما
وياريت نسمعها منك انت على البلوج
منك انت هتكون احلى كتيييييييييييير
ف لحظة طيش
من أروع ماكتبت
بس ده ميمنعشي ان روائعك كتيييييير
لأنك
رائع
رائع
رائع
تلاتة رائع
بص انا عارفه انى كتبتلك الكومنت ده كتير وكل مرة ادلته او اقولك تدلته
لما بفتكر حاجه انا مقولتهاش
بس ف كل مرة بفتكر من غير مبص ف الديوان
بذاكرتى برضه
واى خدمة
الذاكرة لسه مصحصحة برضه...
jpttttttm
تحححححفة
شحتفه
بجد روععهههههههه
:)))))
جمييييييلة جدا
إرسال تعليق