لحظة طيش
فى لحظة طيش
غلطت وقلت: بهواكى
ماكدّبتيش
وقلبك دق جواكى
ماحبتكيش ولا حاجة
لكن جيتلك كما المشتاق
انا أصلى بقالى كتير ماعشتش عيشة العشاق
دى كلمة وقلت اجربها وجت فيكى
فى لحظة طيش
لقيتك معجبة بيّا
وقلبى خالى مش مشغول
وكانت نظرتك ليا
تحرضنى بإنى أقول
كلام قلبى ماصدقهوش
لكن قلته
فى لحظة طيش
ماحبتكيش وكان ممكن
أقابل فى الطريق غيرك
هوايا ف قلبها يسكن
لكن حظك يكون دورك
بطولة ف قصة مش بتعيش
وعنوانها
فى لحظة طيش
هناك ١٧ تعليقًا:
بحبها اوى يا عادل بس اكيد بحبك انت اكثر :)
و الله و الله و الله
الموقف ده حصل معايا بالظبط
مش مصدق انك كاتب عن موقف زى ده
فعلاً كان حبى ليها لمجرد انى محتاج للحب
أنا عارف انى كده انانى بس فعلاً طلعت هى بتحبنى من مدة و زى ماتكون مستنيانى أقولها بحبك
و لو بالهزار
و أستمرينا ثلاث سنوات و لكن للأسف ماقدرتش أكمل
مشاعرى مش معاها
و مش مع حد معين بس مش قادر أقولها بحبك و أنا مش حاسسها
زي ما عنوان الديوان بيقول الحب في الجامعة، فالقصيدة دي typical حب الجامعة..
حب لأجل الحب ليس الا.. علشان كل الناس حوالينا بتحب يبقى " الله ، ليه لأ احنا كمان"
وعلشان كده حب الجامعة غالبا بيبقى فاشل
في نقطة مهمة كمان.. القصايد بتاعتك قريبة قوي من الناس..المصطلحات والتراكيب والمواضيع ..علشان كده بتوصل بسهولة
يا بنى انت افكارك فظيعة احلى حاجة فيها انها الحكاية دى بتحصل كتييير بس محدش بيقف عندها و يخليها حالة زى ما انت عملت كده..مش بقولك عندى هوس بالشعر بتاعك:)))
بجابيجو .. ميرسى جدا على التعليق الجامد ده
احمد بلال .. ميرسى ياباشا على زياراتك الدائمة .. وانا مبسوط البوست ده عجبك ..
متغيرة شوية .. حب الجامعة فاشل .. بس عسسسسسسل
نور .. ماتكبريش الموضوع .. لا افكار فظيعة ولا حاجة .. دى أقل حاجة عندى
هههههههه
و متواضع كماان؟؟
:))))
لا بجد تستاهل
على قدك يا معلم
متحطلنا "مأساه عبدو" ياعادل,سبيشيال ريكوست فور مى ياريت
دى أنانيه يا عادل أنت وأحمد بلال
بس القصيده رائعه
الى شوق الياسمين
و الله أنا شايف أنى أسيبها كان أحسن مافضل أخدعها كل الوقت ده
و بعدين ماكونتش هاستحمل كل الوقت ده
و خصوصاً أنها كانت غيورة جداً لدرجة أنها غارت من أصحابها الانتيم لمجرد أنهم بيكلمونى
و غارت كمان من أصحابى الصبيان كمان علشان بقضى معاهم وقت أكبر
عادل سلامة صديقي الجميل اناهستغل البلوج بتاعك عشان اشكرك مش هعلق على الكلام انا بس عاوز اقولك اليومين اللى انت قضيتهم معايا بجد من اجمل الأيام واجمل حاجة فيهم موضوع البلوجر ده عالم تاني جميل مكنتش واخد بالي منه فرحت بيه قد فرحتي بقناة الجزيرة ذي ما اخيرا بقى عندنا نشرة اخبارية بصحيح بقى عندنا ناس بتكتب بصحيح ياه اخيرا لقيت ناس بتفهم وبتعرف تناقش وتتكلم وعندها حاجة عايزة تقولها والأجمل التواصل فيه تواصل بصحيح وتلاقي افكار واحمل واجمل انالناس البلوجر دول مش منفسننين ذي بتوع نوادي الأدب وقصور الثقافة . اخيرا ناس بتفهم ومش منفسنة ايه الحلاوة دي تحية للمدونين ولعالم التدوين - جيل التقنية – يحيا المدونونون المتحدون .. عادل فتحت اخيرا شباك جديد في حياتي على عالم جميل . شكرا صديقي الجميل
الله على الجمال .. جميله..جميله بجد
..من القلب اوى :)
أنا أصلي بقالي كتير معشتش عيشة العشاق
وانا برده بقالي كتير مشوفتش قول كما قولك
أسلوب رائع
لغــة حية
إيقاع مبدع
تحياتي
ايه يا عم عادل انت مشغول فى الامتحانات و لا ايه؟؟؟؟؟؟؟؟؟
مفتقدينك
شكرا على مرورك وتعليقك يا شوق الياسمين ..
منور يا ابو كامل .. المدونة بتاعتك عسسسسسسل
مويا .. ميرسى على تعليقك قوى
تامر عفيفى . ربنا يكرمك ياراجل يا ذوق
نووووووووور .. دا احلى تعليق شوفته .. امتحانات ؟ والله وحشنى الكلام ده .. انا مطحون فى الحياة .. انا عجوز يا نور .. متخرج 1999
ممكن اسال سؤال بسيط جدا
عندك مانع انى الحنها؟
تنورنى في اي وقت
اتفضل يا جميل لحنها ومن غير ماتستأذن اى حاجة تعجبك اعتبرها بتاعتك
شكرا على اهتمامك وابقى سمعنى ياريت
همر هنا كتير
رائع
وموجع
تحياتي لكَ
إرسال تعليق